告別豬年踏入鼠年，舊愛林峯已經榮升做人夫人父，踏入人生另一個新階段，而「TVB宅男女神」吳千語亦收拾心情重新出發，畀內地富三代追求。
喺愛情上吳千語不嬲係主動進攻型，同男朋友施伯雄由地下情逐漸浮出水面，多次傳出兩個人分手再舊情復燃。
其實，吳千語喺星路上嘅起點相當高，17歲嗰陣就畀黃百鳴睇啱，一出道就同古天樂、吳尊一齊主演《開心魔法》，仲獲得咗第33屆金像獎最佳新人嘅提名。
不過被譽為電影新星嘅吳千語無心事業，同林峯喺2012年嘅《男人如衣服》相識之後，升呢做峯女友。
吳千語搭上林峯之索性乖乖做佢背後嘅女人，對于恩師黃百鳴都好少聯繫，甚至推劇。
無奈吳千語同咗林峯咁多年，一直唔畀林家承認身份，兩個人唯有分手收科， 分手冇幾耐吳千語就搭上富三代施伯雄，施伯雄背景強大，財力拋離林峯好遠，身家超過百億。
難得揾到一個好碼頭，吳千語點解會放過，呢個豪門門檻更高，為此佢一改當日拜金形象，行平民路線。
而家吳千語出門坐地鐵、飛機選經濟艙，唔戴名牌，以休閑運動風為主，仲同男朋友帶小朋友到游樂園玩，其樂融融。
為咗可以順利嫁入豪門，吳千語連煮飯都親自下廚，絕對唔假手于人，并喺半年前開始籌備生意，推出個人運動衫品牌。
吳千語仲透露品牌設計將融合運動于時裝上，運動風格嘅女裝，一路搞生意也不忘自己嘅身份，唔再推劇，努力營造自己上進嘅形象。
就算係肺炎盛行，吳千語照樣返大陸出演劇集，全程同劇組衣食住行，好接地氣。
唔理點樣，都係希望吳千語喺之後嘅事業上可以有所成就，期待佢嘅表演！
Like MisshkNews Facebook！不出门也能知天下事～
