「TVB視後」抱契仔過情人節，渴望揾到心靈伴侶

尋日係情人節，相信尋日玩住手機嘅你哋都喺社交平臺曬恩愛啦，好多藝人情侶、夫妻都喺情人節齊齊曬恩愛，不過都有單身藝人會另類曬恩愛。

而「TVB視後」胡定欣揀到好姊妹胡杏兒屋企做客，見到佢攬住胡杏兒仔仔李奕霖（Ryan）做“小情人”，佢同Ryan頭貼頭、鼻貼鼻嘅合照。

胡定欣仲留言話：「情人節快樂Ryan，先做一日契媽男朋友仔先啦！」，胡杏兒老公李乘德攪笑回應：「朋友價100蚊一日。」哈哈哈，真係好攪笑喇。

現年38歲胡定欣嘅貴為TVB兩屆視後，不過佢自從舊年拍攝完《包青天之風云再起》之後就冇劇開拍，有傳佢有意離巢加入古天樂公司發展。

舊年也傳出胡定欣準備接拍新劇，但最後劇冇拍成，喺呢段冇劇拍嘅日子，胡定欣指去做自己想做嘅事，比如登臺唱歌，仲首次演出舞臺劇、參演電影，佢希望可以通過唔同嘅途徑嚟畀自己學到多啲。

胡定欣自從同音樂人陳明道分手之後，已經單身四年，佢坦言好想拍拖，渴望揾到心靈伴侶，但一切隨緣。