前港姐同緋聞男友一齊去外國，獻出「第一次」

較早時，前港姐朱晨麗（朱朱）同「TVB小生」何廣沛以緋聞情侶檔去迪拜拍攝旅游節目《3日2夜》，兩個人朝夕相對，睇嚟感情又再增進咗唔少。

朱晨麗笑言為咗呢個節目獻出「第一次」，「第一次同何廣沛拍旅游節目，第一次出埠拍呢類節目，第一次去迪拜，第一次去沙漠。

第一次玩刺激高空跳傘，本來劇組取消咗呢個項目，但我極力要求，難得有機會點都要玩一次，年紀大未必再有呢個膽量，趁住而家仲夠膽就玩一下作為紀念。」

朱晨麗談到今次與緋聞男友何廣沛同行，佢表示兩個人合作咗好耐，好有默契，何廣沛拍攝綜藝節目經驗較多，所以拍攝期間都會向佢請教。