前港姐恩愛放閃，自爆結婚19年仲會面紅

前港姐袁詠儀（靚靚）同張智霖（Chilam）喺娛樂圈係出咗名嘅恩愛夫妻，尋日係元宵佳節，同時亦都係佢哋嘅結婚十九週年紀念日，真係隔著屏幕都覺得佢哋好幸福。

張智霖喺社交平臺曬出一張兩個人頭貼頭合照，并留言：「十九周年，同我合照仲面紅嘅人。」袁詠儀就甜蜜回應：「唔單止面紅，仲會心跳加速、手心出汗，十九周年，辛苦你喇。」

見到，張智霖同袁詠儀都露出冧爆笑容，而含羞答答嘅袁詠儀塊面真係好紅。

有大批網友睇到相之後，即刻瘋狂留言大贊兩個人結婚咁多年，仲保持得咁甜蜜係好難得嘅事，更有人指張智霖同袁詠儀愈嚟愈似樣，但亦有網友攪笑留言拆穿袁詠儀面紅原因：「飲醉咗啦！」

唔理點樣，宜家見到袁詠儀同張智霖強咁幸福，真係替佢哋開心，祝福你哋永遠幸福快樂喔。