「TVB星二代」宣佈同圈外男友結婚，為咗安全忍痛延遲婚禮

「TVB星二代」姜麗文（Lesley）同圈外工程師男友Pakho拍拖近3年，今日姜麗文就喺社交平臺曬出咗兩個人合照，并宣佈兩個人已經拉埋天窗！

姜麗文喺社交平臺留言表示：「今日本來係兩個人嘅結婚日子，不過因為武漢肺炎，我哋決定延遲婚禮！老公，我愛你，Happy Almost－Wedding Day！」

一班TVB好友胡蓓蔚、朱晨麗、高海寧、張曦雯等人紛紛送上祝福！

姜麗文經常喺社交平臺曬出同男友Pakho嘅甜蜜照放閃，舊年更帶咗Pakho一齊拍攝內地真人騷節目《女兒們的男朋友》。

其實姜麗文喺舊年接受傳媒訪問嗰陣透露，當時同Pakho已經拍拖兩年幾，而爸爸秦沛亦對Pakho好滿意，提到兩人係點樣識，姜麗文笑言係朋友介紹，更爆兩個人第一次見面好似相睇咁樣，場面好尷尬。

最後，宜家見到姜麗文同圈外老公咁幸福，真係替佢哋開心，祝福你哋永遠幸福快樂喔，早日再傳出好消息。