前港姐冠軍大肚參加游行救毛孩，向虐待動物說不！

前港姐冠軍葉翠翠現正懷第二胎，預產期6月，琴日佢大肚參加游行。一路愛護動物的翠翠屋企養咗貓狗，對呢排發生的虐待動物的新聞覺得好嬲，喺老公的反對下佢堅持要出街，參加“4.29撑游行救毛孩”，向虐待動物說不。

網上視頻見素顏的葉翠翠上臺發言，佢著T恤，見大肚子負荷好重，工作人員擔凳上臺好讓佢坐落嚟，但佢婉拒，話企一陣冇問題。翠翠稱屋企人同朋友都唔俾佢參加游行，但自己發自內心的好想參加，故佢堅持要支持呢個活動。佢中曾養四只狗三只貓，佢哋都系喺街上執或者領養的，系生第一胎前，或者兒子出世后都有人叫佢棄養，又有好多人問佢BB出世后跟佢寵物點相處。

佢話：“屋企人嚟嘅！呢個問題好怪，會唔會有人問你二仔出世點同大女相處？你會唔會因為大女同二仔不和，就唔要大女呢？”翠翠稱寵物都系屋企人，就順其自然去痛錫佢哋，冇咩相處嘅問題。佢又提到虐待動物令人痛心，可以唔愛佢哋，但唔可以傷害佢哋，對受虐而無助，冇還擊之手的動物，佢支持成立動物差佬。佢的發言贏得臺下拍爛曬掌聲。

翠翠都喺社交網站分享咗參加游行嘅感受。佢寫道：“我只系想表達一個訊息，毛孩或者寵物，并唔系玩具！系家庭一分子。”