「TVB小花」缺席《大醬園》宣傳活動，竟然係因為佢……

「TVB小花」龔嘉欣主演嘅《大醬園》正在熱播，但身為女主角嘅佢，兩次劇集宣傳都未見影蹤，原來佢忙住拍攝《香港愛情故事》，佢透露由於呢部劇係實景攝拍攝，一早定咗所以無得改動，所以唔得閑去宣傳。

自從《大酱园》出街之後，龔嘉欣備受關心，因為龔嘉欣出街整指甲、買涼茶，街坊都知道佢有新劇出街，指會捧佢場。

龔嘉欣對于拍攝《大醬園》嘅嗰陣傳出同朱晨麗不和，咁啱兩個人都冇去宣傳活動，佢話：「如果公司叫到就會出席，因為臺前幕後都用咗好多精力去拍攝，演員都會盡責任去宣傳，我咁啱要拍劇所以去唔到。」

龔嘉欣傾到拍攝過程嘅辛苦，因為當時喺夏天拍攝，戲服又三層厚，又喺荒山野嶺取景，熱到幾乎中暑，佢因為有時轉三個造型，發型要貼服，狂噴發膠，搞到啲頭發打曬結。