前「TVB花旦」楊怡同羅仲謙喺2016年拉埋天窗，結婚之後兩人坦言都好想生BB，更隨時準備做爹哋媽咪。較早前羅仲謙減少喺大陸嘅工作，喺香港逗留半年拍攝《木棘證人》，深居簡出希望早日造人成功。
今日，楊怡喺社交平臺曬出一張公仔相，見到一大一細嘅卡通人物公仔嘮蘇，小嘮蘇坐喺大嘮蘇身上，另一張係大、小嘮蘇一齊睇外窗嘅海景，睇落似媽咪抱住仔仔。
令人一眾網友猜測，楊怡係咪暗示有喜，楊怡仲留言話∶「老公畀我買嚟大嘮蘇，從此小嘮蘇有人陪，不再寂寞。」
其實早喺舊年11月，楊怡陪姐姐楊卓娜到主題樂園為佢預祝生日嗰陣，楊怡著上格仔襯衫畀指肚凸凸，因此傳出好消息。
而之後傳媒喺活動上問到楊卓娜，有關妹妹楊怡疑似有喜嘅消息，楊卓娜當時顯得避忌噉話：「如果妹妹有咗，佢會同大家講。」
而楊怡同羅仲謙結婚四年，呢排多次傳出楊怡有喜，不過兩公婆就有默契噉指而家仲未有好消息，羅仲謙就指要「要等運氣到來。」都希望可以快啲聽到楊怡嘅好消息！
Like MisshkNews Facebook！不出门也能知天下事～
