日前，由「TVB小花」湯洛雯、黃心穎、洪永城等人主演嘅新劇《丫鬟大聯盟》，雖然因為「安心偷食」事件，導致呢部劇一度畀TVB雪藏，但自從黃心穎返香港之後就被放生。
唔少網友曾經一度揚言罷睇，但都有唔少觀眾大贊劇情輕松攪笑，尤其係劇中嘅丫鬟聯盟集合多位靚女。
其中丫鬟月盈（黃心穎飾演）係眾人之首，所以戲份特別重。
雖然話黃心穎係主角，但最搶鏡仲係另外一位配角，「最索丫鬟」陳婉婷扮相相當養眼。
陳婉婷喺劇中飾演丫鬟大聯盟之一嘅桐香，佢喺劇集開頭已經大展身手，表面係丫鬟，但其實係外族人，并與叛國大陰謀扯上關係。
其實陳婉婷之前飾演過唔少宮女、丫鬟嘅角色，更加因為古裝扮相出眾而有「最索丫鬟」之稱。
今次陳婉婷喺劇中嘅造型依然係搶眼，唔少網友都大贊佢氣質好。
講到陳婉婷，其實佢喺2010年參選由雜志《FACE》所舉辦嘅《第一屆FACE USTAR大專校花校草大選》，畀稱為理大小甜甜，之後陳婉婷又透過《TVB周刊》CoverGirl選舉加入娛樂圈。。
陳婉婷除咗《丫鬟大聯盟》之外，佢喺TVB仲有4套劇未播出，包括《堅離地愛堅離地》、《過街英雄》、《大醬園》同《十八年后的終極告白》。
但其實《堅離地愛堅離地》較早時喺馬來西亞率先出街，當中陳婉婷喺劇中飾演KOL Carman，喺女仆餐廳打工，而佢嘅女仆造型更獲激贊、更驚喜。
陳婉婷入行8年，喺舊年9月宣佈離開效力多年嘅TVB，唔少網友都大感可惜，但佢當時接受訪問時就表示希望有突破，所以決定離巢作為新嘗試。
唔理點樣，都係希望陳婉婷喺之後嘅事業上可以有所成就，期待佢嘅表演！
Like MisshkNews Facebook！不出门也能知天下事～
