《2019亞洲小姐總決賽》記者會今日喺紅磡舉行，最後16位候選佳麗首度亮相。會上另一焦點就係宣佈「TVB小生」林文龍擔任亞視副總裁一職，現場獲亞視非執行董事兼聯席主席賴彩云頒員工證。
林文龍喺客席上表示，希望借住三十年演藝經驗同學識，用謙卑嘅心，帶領團隊制作有質素嘅好作品，唔辜負香港嘅觀眾。
林文龍受訪時表示，自己係經過謹慎考慮先出應承做亞視副總裁，自己準備喺明年1月正式上班。
被問係咪獲重金禮聘？林文龍話：「賴彩云唔會刻薄員工同朋友，我的確為呢份工推曬所有幕前工作，而且一年上足十二個月班，呢個係一個沉重嘅新挑戰。」
林文龍又一口拒絕邀請太太郭可盈出山拍劇，大爆囡囡喺屋企權力好大，唔會批準媽咪出山。
亞視之前已經大幅裁員，林文龍指亞視歷史悠久，近幾年運作有啲空洞，佢入職後會進行重組，打造好作品帶信心畀大家，到時唔憂冇廣告冇收入。
會唔會優先考慮接收TVB畀裁員工？佢話：「我哋歡迎所有志同道合之人士同我聯絡。」佢直認對劇本要求高，希望有完整劇本先開劇，拍攝以往臨時寫劇本「飛紙仔」嘅做法，所以目前唔會講出實有幾雄厚同制入量。
不過話時話，TVB不嫐唔鐘意自家藝人出現喺對臺電視臺，雖然較早前指藝人合約寬松，只要喺TVB完成相對應嘅商演，就允許藝人出去揾錢，但目前暫冇人夠膽咁做。
林文龍較早前拍完《那些我愛過的人》，未知佢今次加入亞視擔任副總裁，會唔會影響到呢部劇嘅播出呢？
Like MisshkNews Facebook！不出门也能知天下事～
