據悉，「TVB小花」湯洛雯被曝最近豪擲4500萬港元，成功購入位于馬鞍山云海別墅LilyAvenue單號別墅洋房，榮升做豪宅業主，認真恭喜。
據了解，根據土地注冊處資料顯示，位于馬鞍山云海別墅Lily Avenue單號別墅，以4581.32萬港幣價格登記售出，呢個單位積為2161方呎，另仲有花園同車位，呎價約21200港幣。
而呢棟別墅嘅登記買家係湯洛雯（TONG LOK MAN），消息指新買家比樓價5%臨時訂金之後，喺四年內分期付樓價12%，至於剩余83%樓價可于5年後再繳付。
日前，湯洛雯現身中環為新劇拍攝外景戲份，期間有記者上去訪問求證購入別墅豪宅一事，湯洛雯直認自己確實係大手筆入市升呢做業主，仲話希望屋企人住得舒服，同埋真係要好努力工作。
講到好姊妹黃心穎日前終于返香港，而湯洛雯同黃心穎一齊主演嘅新劇《丫鬟大聯盟》，更畀TVB解禁，即將跟住《多功能老婆》播出。
不過，劇集未出得街就已經引起熱議，事關有人就表示黃心穎最近返香港惹網民反感，擔心會因為佢而佗衰新劇收視。
對此，湯洛雯就好淡定表示：「我需絕對唔擔心呢個問題嘅，因為呢部劇本身係送畀人正能量同開心嘅，而且我哋劇中每一個演員都好畀心機去做。」
Like MisshkNews Facebook！不出门也能知天下事～
