前港姐誤闖「猛鬼酒店」，點知一熄燈就…

前港姐麥明詩（Louisa）之前畀爆與TVB改簽「綠葉約」，換自由身到律師樓擔任顧問工作，佢喺社交平臺曬咗幾張相，原來佢去咗臺北一個禮拜。

見到麥明詩著睡衣坐喺床上用電腦，臺面更放咗一大扎玫瑰花同埋生日蛋糕。

一班網友好奇心完全冇放喺邊位送花畀麥明詩，因為佢哋掛住提醒佢入住嘅酒店，正正係臺北出曬名嘅「猛鬼酒店」！

2001年，有傳姓金嘅韓國女星去臺灣出席大型頒獎禮，就係入住呢間酒店，期間佢發現房入面嘅電視不停自己開住，就算斷電情況下都繼續，之後銀幕仲要飛咗一個頭出嚟，嚇到佢爆喊嗌搬走。

講完間酒店有幾猛嘅傳聞，係時候睇返麥明詩知道咗自己嘅處景會點做，佢即時分享喺酒店入面嘅親身經歷：「我仲大鑊，我熄咗總掣之後有盞燈眨嚇眨嚇。」

雖然係咁，但系麥明詩似乎冇諗住搬走，凈係叫啲網民唔好再講話間酒店猛，真係睇唔出麥明詩膽大過好多男人。