「TVB花旦」加入《愛回家》，稱呢個秘密守得好辛苦

TVB處境劇《愛回家之開心速遞》一眾演員包括劉丹、呂慧儀、湯盈盈、滕麗名、張景淳等人喺將軍澳電視城開派對，食盆菜預祝冬至同圣誕節，并宣佈陳煒加入《愛回家》，並客串1月1日至2日兩集。

陳煒直言好開心可以加入《愛回家》大家庭，一直要保守秘密好辛苦：「拍攝外景有街坊見我同《愛回家》一齊，但又唔可以劇透！今次我係第一次拍處境劇，有機會都想拍多幾集。」

陳煒表示今日會出發去美國登臺，圣誕會返香港，男友唔會同行，講到係兩個人拍拖後嘅首個圣誕。記者問男朋友會唔會嬲？佢話：「唔會，係佢要做嘢陪唔到我，不過我都有準備禮物畀佢。」