「TVB小花」復出無望，三套劇零提名

TVB原定12月15號舉行《萬千星輝頒獎典禮2019》，但考慮到今年情況特殊，經內部商議之後，決定延至明年1月12號舉行頒獎禮，日前TVB喺將軍澳舉行記者會并宣佈提名名單。

喺今年嘅提名名單上，「TVB小花」黃心穎雖然有主演臺慶劇《牛下女高音》、安排海外播放《堅離地愛堅離地》同本月尾嘅《丫鬟大聯盟》，但黃心穎就唔見喺今次提名名單上。

黃心穎自從今年4月份因為同許志安嘅「安心偷食」事件之後形象大跌，全面停工。

雖然最近黃心穎有份演出嘅劇集解禁，有傳佢為咗復出而作出鋪路，喺社交平台發文試水溫，即使有三套劇在手，都未有被安排角逐有關獎項，繼續畀消失。

有網友指TVB今次安排黃心穎有份演出嘅劇集陸續播出，疑似為咗清庫存，睇嚟黃心穎復出無望！