「TVB小花」陳庭欣（Toby）港姐選美出身入行多年，直到呢幾年佢演藝事業發展得越嚟越唔錯，有唔少角色都獲得觀眾關注同好評。
最近，陳庭欣又憑住喺《多功能老婆》中嘅出位演出爆紅，佢飾演小三挑戰原配一幕更加成為網上熱話，人氣急升。
陳庭欣宜家除咗事業得意之余，喺愛情方面亦同樣得意，早喺舊年佢正式公開咗與圈外富商男友楊振源（Benny）嘅戀情，因而大受關注。
兩個人拍拖以嚟感情好好，人前人後表現得好甜蜜令人羨慕，佢哋除咗經常齊齊公開亮相之外，仲不時會喺社交平臺公開「放閃」。
不過，今日傳出指陳庭欣男友楊振源旗下嘅個人護理品牌，喺官方社交平臺發出貼文，要同一直合作良好嘅TVB「割席」。
有記者馬上致電陳庭欣，佢坦言知道男友取消與TVB合作一事，問到有冇擔心殃及池魚，令自己工作受到影響？佢就直言：「冇擔心，多謝大家關心。」
Like MisshkNews Facebook！不出门也能知天下事～
