前港姐何依婷（Regina），較早時喺2019年TVB臺慶活動中畀委以重任，有份擔任臺慶司儀工作，同汪明荃、鄭裕玲等前輩同臺學習。
出道兩年時間嘅何依婷，深得TVB重視同栽培，到而家已經喺多個節目同活動中擔任主持工作，累積唔少經驗。
對于首次做臺慶司儀，何依婷呢排受訪時坦言，緊張係在所難免，佢表示直到開騷前仲喺到為自己做心理輔導，希望平常心面對。
何依婷話：「一定會有緊張，我同自己講怯就輸一世。上臺前我深呼吸，好畀自己冇咁緊張，話自己要自然啲、輕松啲上陣就OK喇。」
回顧臺慶嗰晚何依婷做司儀，唔少觀眾都大贊佢表現唔錯，而且大方得體，令佢覺得好開心同欣慰，尤其當晚何依婷身穿Deep V晚裝裙示人，顯得好錫士迷人，有網民更大贊佢身材好，笑指佢「事業心」好重！
據悉，何來依婷出世于基層家庭，早年以一級榮譽學士學位文憑，畢業于香港城市大學商學院，佢主修資訊系統學系、環球商業系統管理課程、副修心理學。
畢業之後，何依婷喺香港某知名會計事務所內擔任金融服務顧問嘅工作。
直到2017年，何依婷報名參加香港小姐競選，并順利奪得亞軍好成績，之後獲TVB安排入讀第29期藝員訓練班，并喺舊年5月正式簽約成為「TVB親生女」出道發展。
入行時間雖然尚短，但係除咗主持過唔少節目之外，何依婷同時仲獲捧拍劇，目前佢已經參演三套劇集，分別就係《她她她的少女時代》、《街坊財爺》以及未出街嘅新劇《機場特警》等。
唔理點樣，期待何依婷可以繼續畀我哋帶嚟多啲更精彩噶演出，期待佢嘅表演！
Like MisshkNews Facebook！不出门也能知天下事～
