網上瘋傳阿Sa有BB年尾注冊結婚，經紀咁回應……

本月22日啱啱度過37歲生日蔡卓妍（阿Sa），與「百億麻將館太子爺」Anthony拍拖兩年半感情穩定，上個月Anthony更高調現身，為Sa爸慶祝生日。

呢位準女婿更與Sa爸嘅親友合照，并主動搭未來岳父嘅膊頭，阿Sa梗係好開心，好明顯一對小情侶已經過咗家長大關。

呢排網上盛傳阿Sa「有咗」，為Anthony陀B，但由于未過3個月，根據華人傳統驚BB「小氣」，所以阿Sa未有向外公佈喜訊。

較早時有傳阿Sa同男友有計劃喺年尾注冊結婚，成為豬年新娘，如果傳聞屬實，會增加阿Sa陀B嘅可信性，組織一家三口幸福家庭。

翻查阿Sa嘅近照，原來佢呢幾個月都係著鬆身衫，而且見到一直身形纖瘦嘅佢，小腹微隆，好似有喜。

阿Sa有意陀B早就有跡可尋，佢喺今年5月首次接受雪卵，更因此專登減少工作同增肥，之後到7月頭再接受第2次雪卵，明顯係想趁自己好狀態時，為生B做準備。

至於阿Sa嘅經理人霍汶希（Mani）喺電話回覆傳媒，否認阿Sa大肚：「網上虛構傳言，完全冇呢件事。」

唔理點樣，宜家見到阿Sa同富二代男友咁幸福，真係替佢哋開心，希望佢哋早日傳出好消息。