前港姐曾經越減越肥，宜家瘦身成功重回索爆狀態

今年5月，前港姐湯洛雯證實頂替黃心穎出演《法證先鋒IV》，而劇集監制梅小青更要求湯洛雯喺開拍前瘦身10磅，或者因為要短時間內完成重拍工作，令湯洛雯壓力好大，未能成功減磅之余更越減越肥。

較早時湯洛雯拍攝《法證先鋒IV》嘅婚紗戲時，就被指身形略胖。

今年9月，湯洛雯出席2019年香港小姐決賽，短裙打扮相當搶鏡，不過當時就有網友覺得佢身形仍較脹，指佢有「幸福肥」。

不過，日前湯洛雯出席活動時見到佢明顯瘦咗唔少，佢表示希望自己可以再瘦少少，想身體變得健康同唔希望體重反彈。