「TVB新聞小花」終於結婚啦，兩個人喺TVB相識相愛6年

「TVB新聞小花」李旻芳與未婚夫黃耀英今日結婚大好日子，兩人朝早依足傳統著上中式禮服接新娘，黃耀英同兄弟團連過幾關，成功抱得美人歸。

黃耀英與李旻芳之後換上西式禮服，喺眾多親友面前行禮，并向對方講愛的宣言，黃耀英大贊李旻芳擁有天使面孔，魔鬼身材，即刻引得全場起哄，之後許下多個承諾，氹得女方好開心。

輪到李旻芳講嘢嗰陣，心急嘅黃耀英一度幫手揭起頭紗即刻畀眾人阻止，李旻芳更攪笑叫唔使心急，一定會嫁畀佢。之後兩個人甜蜜擁吻，真係好感人！

李旻芳說愛的宣言時明顯好激動，一邊講一邊喊，場面相當感人。之後一對新人交換戒指，卻用紋身方式，李旻芳覺得痛楚嘅時候，黃耀英在旁即細心呵護，表示當係畀蚊咬，禮成後即拋花球，兩個人正式結為夫妻。

現年37歲嘅黃耀英與32歲嘅李旻芳拍拖6年，兩個人喺2012年入讀TVB訓練班時認識，後來更一齊加入《東張西望》做主持。

黃耀英同李旻芳曾經接受傳媒專訪，黃耀英回憶兩個人相識，係男方主動搭訕：“我同佢講嘅第一句話就係「我都係左撇子。」，後尾兩個人一齊返工同坐一部巴士，日久生情，兩個人喺2013年正式拍拖，

李旻芳話：“有一次佢發咗一個錄音信息畀我，同我講想娶我，但其實我哋仲未開始發展。”而家兩個人終于開花結果，恭喜恭喜！