前TVB小生試過畀雪藏過兩次，而家宣佈加盟邵氏

前「TVB小生」沈震軒（Sammy）喺2013年加入太陽娛樂，曾經喺歌影視三線發展，事業發展算唔錯，唔知係咪因為喺戲中太投入飾演奸角，佢嘅「夜蒲花心形象」令觀眾印象深刻。

加埋入行嚟緋聞不斷，有傳因為其形象較差，佢喺2015年畀太陽娛樂下令雪藏。

不過沈震軒當年同TVB有約在身，因為外形演技歌喉都相當有潛質，曾經亦係TVB備受力捧嘅新一代小生。

2014年，沈震軒更憑TVB大熱劇集《使徒行者》中飾演嘅臥底“kobe”人氣急升，前途似乎好明亮。

不過沈震軒喺2015年拍攝完劇集《性在有情》就冇喺TVB拍劇，外界傳佢係因為不獲TVB續約而畀雪藏，最後佢喺2016年尾離巢TVB，決定北上發展。

沈震軒呢排喺社交平臺宣佈正式加盟邵氏，事業有咗新開始，感情生活當然都有新進展，沈震軒與陳欣妍相戀，兩人越愛越高調，一早認定情侶關係。都希望沈震軒可以多啲拍精彩嘅作品畀大家欣賞。