前「TVB小花」沈卓盈（Jess）喺今年一月份與TVB合約期結束之後，佢選擇成為自由身決定外闖，離開效力16年嘅TVB。之後沈卓盈喺今年3月份宣佈與富二代男友Calvin嘅婚訊，升呢做人妻。
當時沈卓盈喺社交平臺留言話：「喺呢度讓我衷心多謝公司一直以嚟，對我嘅栽培同愛護，冇公司，就冇今日嘅我。」
離開TVB之後嘅沈卓盈，較早前坦言目前工作狀態仲算OK，因為自己想嘗試唔同類型嘅演出。
問到離開TVB之後，選擇加入開電視做嘢，會唔會影響到自己與TVB之間嘅關係，沈卓盈表示應該唔會影響。
沈卓盈仲話：「其實我而家係自由身，所以工作上都好開放性嘅，自己都希望同多啲唔同嘅平臺合作。好多嘢對我嚟講都係新挑戰，譬如話拍電影，呢啲經歷對我嚟講，真係好新鮮。」
Like MisshkNews Facebook！不出门也能知天下事～
