TVB小生結婚豪擲千萬玩足幾個月，五地擺酒好似開巡唱！

較早前「TVB小生」林峯同內地索模張馨月，喺香港低調入紙排期結婚，呢排張馨月靜雞雞已經嚟香港會愛郎探班，并同林峯傾談婚禮事宜。

今日有指兩個人打算喺歐洲舉行浪漫盛大婚禮，之後再返香港擺酒，招呼一班親朋好友。

另外，有「廈門李嘉誠」之子之稱嘅林峯，佢老竇家族龐大有頭有面，為咗林峯婚事亦相當緊張，要喺廈門同泉州兩地擺酒。而女家亦要喺鄉下江蘇擺酒，合共五個地方嘅婚禮，保守估計要花費約一千萬港元，歷時數個月。

另外，有傳張馨月較早前曾經到訪香港嘅中半山區，睇中咗老牌豪宅愛都大廈嘅一個巿值過億港元、約三千呎單位，疑似物色新婚之後嘅愛巢。