應屆落選港姐蔡嘉欣（Kayan），呢排受訪時透露已經成為「TVB親生女」，雖然喺今年港姐決賽中大熱倒灶未能晉身三甲，但憑住嗰晚出色嘅表現，佢獲得TVB青睞，相信上位指日可待。
據悉，蔡嘉欣會加盟人氣節目《姊妹淘》擔任固定主持，日前佢亦以主持人身份為首次開工錄影，受訪時佢話好興奮，直言好開心。
蔡嘉欣話：「節目氣氛比較輕松，同一班姐姐傾計扮靚，所以大家都錄得好開心！我同吳若希做咗好姊妹，佢人好nice，大家都好好！拍攝之前我仲特別練咗一下咬字發音，希望講嘢嗰陣清晰一啲無懶音。」
問到宜家係以主持方面發展為主？蔡嘉欣坦言，更希望有機會拍劇：「我真係好想拍啦！希望有機會可以主持同演員雙線發展，不過都係要等公司安排。」
據悉，蔡嘉欣早年佢畢業于香港理工大學紡織及制衣系，對于時尚同打扮好有心得，中學時期就已經參加過校內時裝設計比賽，喺設計制衣到擔任模特都一腳踢，最後更贏得獎項，實力不容睇小。
2012年嘅時候，蔡嘉欣曾經參加過「FACE UStar校花校草競選」。
參選港姐入行前，蔡嘉欣本身已經係兼職模特兒同KOL網紅，同時佢仲經營韓式時裝店同美甲店。
從2017年到2018年期間，蔡嘉欣仲曾經為Viu TV擔任節目主持工作，擁有一定幕前演出經驗。
今年，蔡嘉欣喺參選港姐期間成為大熱門，人氣持續高企。但同時佢又畀傳媒爆出有紋身，事後佢大方認係用泳褲遮擋紋身，因此佢成為咗TVB史上唯一位有紋身，但可以入圍嘅港姐。
唔理點樣，梗係希望蔡嘉欣早日畀我哋帶嚟多啲精彩噶演出，期待佢嘅表演！
Like MisshkNews Facebook！不出门也能知天下事～
