前港姐林凱恩喺《愛回家之開心速遞》飾演BONNIE一角，亦都喺《她她她的少女時代》飾演張晴。入行短短四年，已經可以擔正飾演重要角色，佢絕對係少數嘅幸運兒。
林凱恩接受訪問嘅時候，對于喺2015年參選港姐，都覺得不可思議，佢話：「細細個嘅我係比較冇乜自信，亦都好少出聲，去到小學、中學有段時間參加咗話劇學會，就開始接觸表演，當時覺得舞臺係幾好玩。兜兜轉轉去到讀書嗰陣，又會想參選港姐，跟住就報名入咗嚟！」
由港姐初選到面試，林凱恩對于好多情景都歷歷在目，不過提到喺比賽中後來居上，佢就話：“我後來居上係因為我遇溺，幾可會有港姐可以上到C1，然後有連環圖顯示出遇溺嘅過程！”
林凱恩參選當年有好多勁敵，當中包括「10A港姐」麥明詩以及龐卓欣等人，雖然佢三甲不入，但佢憑住人緣好畀眾佳麗投選成為“友誼小姐”，都係令佢覺得相當自豪。
入行之後，林凱恩經常有演出機會，除咗喺《愛回家之開心速遞》飾演“乖乖女”BONNIE之外，喺較早時《她她她的少女時代》中飾演田蕊妮（阿田）女兒張晴，都有好多戲份！
其中，林凱恩同田蕊妮嘅深情戲、嘈戲，亦盡顯自然，而最令觀眾動容嘅一幕，就係田蕊妮經歷失婚，林凱恩含淚安慰對方，亦令唔少人感動落淚！ 
林凱恩不斷努力，希望自己能夠成為更好嘅人，原來背後都有一個感人古仔。
「我唔想令到媽咪覺得我個女係一個負累，因為生我嗰陣，媽咪有諗過我可能係一個負擔，係我阿爸堅持要生我出嚟，我先可以喺度，所以我細細個就覺得，我一早都唔喺呢個世界上，點解我仲要喺度呢？所以而家我會好努力令到父母覺得冇生錯我呢個女。」
Like MisshkNews Facebook！不出门也能知天下事～
