應屆港姐「玩波波」慶祝攞冠軍，外籍男友坐正宣示主權

2019年港姐冠軍黃嘉雯（Carmaney）日前同一班識咗超過十年嘅好朋友，慶祝自己當選呢屆港姐冠軍，佢仲社交平臺分享聚會相，現場布置好心思，粉紅色波波池派對，後冠蛋糕，氣球都有佢當選錫權杖嘅相。

黃嘉雯表示好朋友好似家人噉親切，并留言多謝大家超過十年嘅陪伴，對佢嚟講係最好嘅禮物。

大合照中焦點係畀傳媒稱為“翻版雷神”嘅外籍男友Matej，佢坐喺正中間緊緊攬住女友，真係甜爆！

黃嘉雯參選時畀爆有男朋友，佢大方認愛。據稱Matej任職市場策劃，為咗女朋友而搬嚟香港居住。

黃嘉雯接受訪問時提到有四次拍拖經驗，Matej係佢第四任男朋友。