TVB近年積極力捧花旦上位接棒，黃心穎因為「安心偷食」單嘢而無限期雪藏，岑麗香、陳凱琳等人就因為結婚生仔半退出，回歸無期。可以用嘅花旦真係少之又少，劇集之間互相搶人，令TVB大感頭痛。
TVB目前畀心機發掘有潛力嘅小花，正在拍攝嘅《使徒行者3》原先安排蔡思貝做女主角，最後安排2017年華姐冠軍林宣妤取而代之，蔡思貝就屈居第二女主角，主力協助扶持新人。
啱啱播完嘅《她她她的少女时代》以及為TVB練兵多時嘅《愛回家之開心速遞》都有唔少新一代小花，選美出身簽長約而被睇中咗嘅，當中以林凱恩、余思霆表現最亮眼。
林凱恩憑《愛回家之開心速遞》中飾演BONNIE為人熟悉，乖乖女形象始于《2015香港小姐競選》，當年喺麥明詩、龐卓欣等勁敵下風頭畀掩蓋，凈係獲得“友誼小姐”獎，之後因為其個人風格獲得安排加入主持《安樂蝸》。
冇幾耐之前，林凱恩喺《她她她的少女时代》一改斯文形象，著起吊帶裙扮飲醉行豪放路線，令觀眾眼前一亮，而佢更畀封為「翻版佘詩曼」畀睇好成為一線花旦！
至於喺《愛回家》做乖乖女，新劇《她她她的少女时代》中有好大嘅突破同轉變，林凱恩笑言私低係男仔頭，未諗過自己係乖乖女形象，認為自己最大嘅優點係有親和力，但相對好難做到女神形象。 
余思霆與林宣妤同樣選美出身，分別就係《2017年國際中華小姐》嘅冠軍同亞軍。短短兩年時間，余思霆已經有《好日子》同《她她她的少女时代》兩部作品。
余思霆喺《她她她的少女时代》中更飾演一位鐘意大叔曹永廉嘅僆妹，劇中大玩制服誘惑行“姣花”路線。
另一方面，余思霆喺綜藝節目方面同樣反映唔錯，佢喺《Ben Sir看樓團》中亦揾到自己嘅方向，唔介意做“花樽”，甚至大方以黑色比堅尼上陣，社交平台亦不乏泳裝相，完全唔驚錫士路線影響形象。
唔知，你哋鐘意邊個或者睇好邊個做下一位當家花旦呢？
Like MisshkNews Facebook！不出门也能知天下事～
