前「TVB小花」為囡囡舉辦百日宴，直言比婚禮更緊張

「TVB小花」張美妮今年6月為發型屋老板黃偉強生落個女，更為囡囡改小名“笑咪咪”，轉下眼囡囡已經滿三個月，張美妮夫婦今日喺灣仔舉辦百日宴，仲透露囡囡已改名黃洛雯。

張美妮今日將百日宴嘅相分享到社交平臺，囡囡笑咪咪著上裙仔兼夾戴上花花頭帶，十足小公主一樣，當一家三口合照時，眼仔大大嘅佢更一直喺度笑，好得意。

張美妮留言話：“我個女黃洛雯三個月大啦！睇住佢每日嘅成長真係好開心同感恩呀！爸爸媽媽愛你！”

張美妮接受媒體訪問時開心噉話：“今次我同老公幫個女搞百日宴，我哋真係好開心，比自己搞婚禮仲緊張。個女而家三個月大，佢已經學識翻身，又識用BB語言同我溝通，佢真係好得意。有時真係好辛苦，但係見到個女即刻就精神。最後我仲要特別多謝我媽咪，因為媽咪真係好偉大。”