落選港姐投資有道，兩年開4間鋪畀稱為「榴槤公主」

前港姐胡美貽係參選2017年香港小姐入行，喺參選嘅時候，有“翻版朱千雪”嘅稱號。佢家境富裕，老竇係商人，媽咪係醫生，佢除咗擁有甜美外貌同豐滿嘅身材，更有商業頭腦。

舊年，胡美貽畀TVB安排主持節目《3日2夜》，憑住傲人嘅身材，成功吸引觀眾注意，人氣急升。

胡美貽喺2012年畢業于加州大學歐文分校修讀商業經濟系。畢業嗰一年，胡美貽就喺美國投資開設咗第一間飲品店，之後又加盟鹵水零售店，喺啱畢業兩年賺咗第一桶金。

胡美貽表示，原本佢參加選美只係為咗興趣想玩一下，選美之後可能會離開香港返去美國陪屋企人。

點知道喺香港生活咗兩年，胡美貽覺得香港嘅生意機會有好多，靈機一動佢就想喺香港做生意，佢一開始獲得爸爸投資一百萬畀佢做生意，喺眾多商機中選擇開一間榴槤店。

胡美貽表示，“榴連呢個生果好特別，鐘意佢嘅人就好鐘意，唔鐘意佢嘅人就有大把理由唔鐘意，我本身都唔係特別鐘意，但係自從從接觸咗馬來西亞嘅貓山王榴連之後，就覺得特別唔一樣。”

胡美貽喺馬來西亞同朋友合份用700萬，一齊買落咗30畝種有貓山王嘅榴連地，然後就自己喺香港開店，后生細女就已經有咗4間連鎖店，香港三間，澳門一間，靠賣榴連成為圈中小富婆。

唔理點樣，希望呢位有生意頭腦嘅TVB小花，未來喺演藝事業上都有更好嘅發展，加油加油。