做咗「TVB視帝」不可一世，謊稱買豪宅送媽咪其實自己擁有

王浩信從香港先生到今時今日嘅「TVB視帝」，佢捱咗十幾年，喺未走紅之前，佢有個稱號：最佳老公，喺電視劇裏面，佢經常要挨打，尤其係兜巴，所以畀網友戲稱佢係兜巴信。

現年36歲嘅王浩信，後生細仔已獲得「TVB視帝」，更加係TVB力捧小生，臺慶劇都有佢份。

事業一帆風順，婚姻生活就不如外界所想象美滿，王浩信與陳自瑤（YoYo）結婚八年，經常被傳出婚姻出現問題。

日前，陳自瑤38歲生日，佢喺社交平台曬相，卻唔見老公王浩信嘅影蹤，就連個囡囡都唔見身影，加埋感言自我鼓勵要拎出勇氣，似乎有隱喻，惹來揣測。

而王浩信就喺照片上載五個鐘後，先點贊同留言祝福老婆Happy Birthday，因此畀攞景慢半拍。

自從王浩信走紅之後，緋聞不停，先後與發電機蔡思貝、宅男女神江嘉敏傳出緋聞，有指緋聞令夫妻關係漸行漸遠。

舊年，王浩信豪擲三千三百萬購入西貢傲瀧逾千呎單位，不過竟然聲稱係送畀媽咪做禮物，身為老婆嘅陳自瑤反而無業權。

當時陳自瑤仲力撐，并對老公買樓做孝順仔表示支持。事實上土地注冊處資料顯示，業權（原名：王昊）由佢一人持有，冇寫媽咪同老婆個名。