黃心穎胞姐希望妹妹返香港，但需要…

日前，藝人黃心美就為香港開電視拍攝節目《男士堂》，喺節目上佢將會以女性嘅角度出發，提出自己對于男人嘅一啲睇法同建議。

喺節目中傾到，較早時傳出與百億身家嘅富豪馬桂烽分手嘅消息，黃心美就淡然回應話：“感情事唔回應，今日都係一樣，多謝大家關心，而家生活開心，每日努力開心生活。”

至於妹妹黃心穎嘅最新消息，黃心美就表示佢而家仲喺外國進修，由于當時黃心穎與許志安嘅「安心偷食」事件影響甚廣，導致雙方即可停工，許志安馬上召開記者會交待單嘢，黃心穎就一直未有蒲頭，只喺社交平臺向大眾致歉。

傾到妹妹黃心穎，黃心美就表示：“佢係做錯咗，但我作為家姐點都會支持佢。（佢精神狀態點樣？）點樣都有高低起伏，需要一啲時間處理情緒，面對住自己做過嘅嘢。”

至於網上負聞，黃心美就表示自己睇過就算，任由網民發泄完就冇事。唔理點樣，希望單嘢可以早日過去，以免再令無辜嘅旁人再受累。