前港姐呂慧儀喺TVB處境劇《愛回家之開心速遞》飾演「熊若水」呢個角色大受歡迎，人氣急升，同劇中一眾演員更似一家人，關係融洽。
今日係呂慧儀37歲生日，原來尋晚一班《愛回家》藝人同佢食飯慶祝，片中見到「熊家」一早備咗兩個蛋糕，壽星女見到咁靚嘅蛋糕表現興奮，切蛋糕仲要切咗幾次，又笑到見牙唔見眼。
而踩正半夜12點，「朱凌凌」吳偉豪坐呂慧儀順風車時，好識做噉冧爆唱生日歌畀壽星女聽，呢一班戲內戲外都似足屋企人嘅《愛回家》成員，睇到令人羨慕呀！
Like MisshkNews Facebook！不出门也能知天下事～
