倒數正式成為人夫，「世紀賤男」轉性努力建立好爸爸形象

「世紀賤男」張致恒（Steven），七月突然間對外宣布婚訊，又自爆已經與圈外女友雯雯未婚生子升呢做老竇。喺報喜之後，馬上畀連環爆出一腳踏五船嘅負聞，震驚娛樂圈。

正所謂色字頭上一把刀，感情負聞令張致恒斷送星途，演藝事業亦就一蹶不振。時隔一個幾月，雖然負聞開始刁淡唔少，但仲有大群網民對佢抵制。

跌落谷底嘅張致恒決定洗心革面改過，佢唔單止公開回應已經負男人嘅責任與雯雯入紙注冊結婚。

雯雯護夫心切亦不時喺社交平台曬出一家三口嘅近照同短片，盡騷「渣男」變身「奶爸」嘅點滴！希望可以幫助張致恒建立好爸爸、好男人嘅形象，為張致恒洗白。

踏入九月初，雯雯又現身社交平台更新動態，今次佢曬出與老公張致恒嘅婚戒，又寫上「Mr.＆Mrs.」，并附上一個倒數時鐘，預告與張致恒即將再進一步，原來9月2日朝早十點，雯雯即將正式成為張太太。

傳媒聯繫張致恒問及婚訊，佢簡單噉回應話：「多謝多謝，有乜事聽日先講啦！」。

據悉，張致恒與雯雯所生個仔名叫張天寶，喺張致恒宣布喜訊前仔仔啱啱過咗百日宴冇幾耐，跟住時間推算，張天寶現時大約五個月大。