前港姐畀爆與十億富豪男友閃婚，回應……

前港姐陳庭欣（Toby）自從舊年與彩豐行老板楊振源（Benny）拍拖，兩個人成日喺社交平臺放閃，更以事頭婆身份出席男友嘅公司活動，完美融入男友嘅社交圈子。

對于感情穩定嘅佢哋，幾時升呢做夫婦都成為外界關心，今日傳媒突然間報道兩人閃婚嘅消息！

楊振源喺香港坐擁10億資產，不過佢嘅感情都係多姿多采，六年前與育有兩子嘅前妻離婚後，先後與孫慧雪同曾經介入周永恒與趙頌茹婚姻嘅陳庭欣傳緋聞，直到舊年6月與陳庭欣公開拍拖，正式封盤。

陳庭欣雖然仲未正式畀男友求婚，但佢過去接受傳媒訪問時坦承已經視男友為結婚對象，更曾經表示唔介意做楊振源兩個仔嘅繼母，而且兩個人一早有結婚共識。

對于網上曝出嘅閃婚，陳庭欣回復媒體稱絕對唔係真嘅：“大家搞錯咗喇，冇咁嘅嘢，好攪笑喇！”

佢笑言已經習慣畀傳媒公開自己嘅婚訊，都有好多人恭喜佢，所以唔再覺得驚訝。盼望佢可以盡快有好消息宣布。