現年32歲TVB力捧花旦朱晨麗，較早時畀傳出與同TVB小花龔嘉欣不和，消息指兩個人喺合作拍攝劇集《大醬園》嗰陣產生咗唔少沖突。
首先係拍劇時朱晨麗因為中暑又甩鉸，搞到要請假休養而影響拍攝進度，傳媒直指因為呢件事引來咗龔嘉欣嘅不滿，佢仲喺自己嘅社交平台意有所指留言：“怕辛苦就唔好做演員。”
事關，朱晨麗停工導致佢要連續直踩開廠戲，冇時間休息，龔嘉欣最終因為拍劇勞累過度導致耳水不平衡，要入院治療！
時隔多日，朱晨麗今日終于回應呢件事，佢話：“咁辛苦，數數手指，的確有一次，係因為拍攝，而導致發燒中暑入咗醫院，所以迫不得已嘅情況下先同劇組請咗一次假，而嗰一次都得到咗劇組嘅體諒，兼夾劇組及時做出咗調整。”
佢指自己最近頻頻畀無辜抹黑，今次唔再沉默，只係希望負面新聞離佢而去，仲話：“要炒作，走遠點！不送！謝謝！”。
據悉，朱晨麗出世于江蘇蘇州，佢喺2011年參加香港小姐競選奪得冠軍入行，當年參選嘅時候，朱晨麗嘅人氣同關注度就已經好高。
事關，佢被指與陳法拉有幾分相似，就連第一部電視劇《名媛望族》中嘅季小由呢個角色，原本想叫陳法拉飾演，但無奈陳法拉因為受傷辭演，TVB就決定由啱啱出道冇幾耐嘅朱晨麗頂上，喺劇中擔任第三女主角重要戲份，可見佢深受TVB嘅重視同青睞。
轉眼間朱晨麗喺TVB捱咗八年，期間朱晨麗已經喺多部劇集中亮相，戲份越嚟越重，近年佢更成功上位成為力捧新晉花旦，擔正主演唔少劇集，希望佢多多保重身體，加油！
Like MisshkNews Facebook！不出门也能知天下事～
