上個月先同臺灣女友正式結婚嘅「TVB小生」林利，終于有咗屬於自己嘅小家庭，雖然當日雙方只係著咗簡單嘅便服，但隔著屏幕都感受到佢哋好幸福。
當時林利仲緊張話：“個心未停過，有啲唔敢唔信，我已經結咗婚。”
雖然新婚燕爾，但而家林利與太太仍然分隔兩地，佢話：”佢每個月嚟香港留兩星期，我每個月去臺灣兩星期。（你唔留喺臺灣住？）因為香港有工作，而且我媽咪喺香港，佢要我照顧佢，太太都想來香港住，但佢喺臺灣有工作。（叫太太將工作轉嚟香港？）未計劃，因為太急，所以要慢慢計劃。”
除咗太太原本有生意之外，林利都有唔少工作，佢透露下個月將會去俄羅斯做一個慈善演唱會，跟住又要開拍新劇《使徒行者3》，所以最快都要年尾先去度蜜月，佢話：“宜家計劃去坐郵輪。”
話曬抱到美人歸，邊個都唔想同老婆分隔兩地，林利話：“因為我好鐘意家，結咗婚要送佢走，好唔舍得，咁又未至於唔舍得到喊，而家我哋每日會傾電話同視像。”
至於婚後造人大計，林利直言想要生BB，而家兩個人都冇設防，一切都係睇緣份，順其自然。
唔理點樣，希望林利同太太可以早日傳出好消息，都期待林利繼續畀我哋帶嚟多啲精彩嘅作品，畀我哋眼前一亮嘅表現，大家不妨一齊拭目以待！
Like MisshkNews Facebook！不出门也能知天下事～
