現年31歲嘅「TVB小花」譚嘉儀，日前就現身八月星辰活動，喺娛樂圈中好人緣嘅佢就表示，生日都係同朋友食飯以及同粉絲搞聚會，以答謝粉絲對佢多年嚟嘅支持同愛護。
譚嘉儀話：“都係同朋友食飯，年紀越大，簡單慶祝已經好開心。另外會同粉絲搞個聚會，一齊唱歌同玩遊戲。（有冇男生陪慶祝？）梗系冇啦。（生日愿望係有仔陪？）我又唔會特別希望。只係希望屋企人身體健康，大家開心，拍拖唔諗住，做好音樂先，最想開個迷你演唱會。”
至於屋企人會唔會催拍拖，譚嘉儀就表示：”冇呀，因為我家姐已經結婚生仔，所以冇畀壓力我。（放棄咗你？）又唔會，緣份要嚟就嚟，我冇封盤，仲開緊盤。（有冇男仔追？）冇人追，我又冇追人，邊有時間，單身好過跟錯嘅人，以前好快就同一個人去開始感情，都幾沖動，而家唔會亂嚟，會睇定點先，最想揾一個同自己有共同信仰嘅人。”
1988年出世嘅譚嘉儀，自細充滿音樂天分，後來遠赴新西蘭讀書嘅佢，起頭修讀奧塔哥大學酒店管理文憑課程，不過因為唔係興趣所在，所以喺入學一年後就放棄，之後佢取得居留權之後，就喺同校修讀音樂系。
喺2011年嘅時候，譚嘉儀以交換生嘅身份返到咗香港，同年因為參加《超級巨聲3》奪得季軍而順利進入娛樂圈，不過除咗歌手嘅身份之外，譚嘉儀都參與拍攝咗幾部電視劇集。
比如《真相》、《愛回家》、《my裝lady》、《潮流教主》、《一屋老友記》、《僵》、《巨輪2》、《幕後玩家》、《老表，畢業喇！》、《降魔的》、《實習天使》等。
據悉，喺跟住落嚟嘅新劇《殺手》、《降魔的2.0》中譚嘉儀同樣有份演出，大家不妨一齊拭目以待！
Like MisshkNews Facebook！不出门也能知天下事～
