假戏真做？TVB力捧小生直言唔抗拒「姐弟戀」

日前，李佳芯、陳豪、何廣沛等人現身銅鑼灣為新劇《愛美麗狂想曲》拍攝外景，吸引大批路人圍觀。何廣沛喺劇中與李佳芯上演「姐弟戀」，最終不敵陳豪，抱憾退出。

現場受訪時何廣沛表示兩個人分手戲仲未開拍，但導演話畫面要凄涼，擔心開拍時會爆喊：”其實呢場戲講我同李佳芯已經貌合神離，而李佳芯又啱啱同陳豪有感覺，要我同陳豪抝手瓜。導演想我含淚，要畫面凄美，但到時我驚會爆喊！”

戲中上演「姐弟戀」，戲外一直有傳何廣沛同港姐朱晨麗「姐弟戀」嘅緋聞。

問到生活中介唔介意女朋友年齡，何廣沛馬上扯開話題，佢話：“李佳芯咁靚當然接受啦！（我話朱朱呢？）哈哈……其實年紀差唔多唔緊要，十幾年就接受唔到！”

睇過《白色強人》嘅觀眾對于何廣沛應該唔會陌生，佢喺劇中飾演“唐明”徒弟“潘德懷”嘅佢，憑借呢個角色人氣急升。

其實何廣沛自從2012年加入TVB以來一直穩中求進，從配角做起，直到近年嚟先上位成功。

何廣沛喺《女人俱樂部》、《律政強人》、《財神駕到》、《超時空男臣》、《親親我好媽》、《四個女仔三個bar》、《天命》、《跳躍生命線》等熱播劇中均有亮眼嘅表現，唔單止角色討喜，戲份都逐漸加重，係TVB力捧小生之一。

除咗拍緊《愛美麗狂想曲》之外，仲有《大醬園》、《黃金有罪》、《哪吒與楊戩》等多部待播劇。喺《大醬園》更加係首次擔正飾演男主角，大家千祈唔好錯過。