日前，前港姐陳偉琪就去荷李活參加咗《WCOPA》嘅世界表演藝術錦標賽，喺比賽中人狀態大勇嘅佢，更加係橫掃八個大獎，可以講係凱旋而歸！
所謂“臺上一分鐘，臺下十年功”，陳偉琪為咗應戰用咗唔少時間同心機去練習，唔理到最後成績點樣，對于佢嚟講係成功挑戰自己，但最後努力付出都有所回報，當中更加贏得咗演藝獎項同樂器大獎。
今次陳偉琪冇帶上助手前行，每日都要自己處理一系列嘅問題，比如要著高踭鞋搬豎琴去到比賽會場。
佢話：“酒店行去會場有一段距離，推到透唔順氣，今次去到一個陌生嘅地方，真係有種從零開始嘅感覺，但係我好中意呢種咁獨立嘅感覺。”
世界表演藝術錦標賽嘅選手嚟自五湖四海，四面八方，陳偉琪識咗唔少世界各地嘅表演高手，用佢話嚟講就系“報名嘅最大收穫唔係攞獎，而係過程中學到挑戰自己比挑戰他人重要”。
佢話：“好多參賽者都好犀利，比賽期間大家亦好團結，會互相幫手化妝，完全唔會有敵意，覺得好舒服。”
1991年出世嘅陳偉琪同大多數藝人一樣，都係通過選美入行，備受賞識嘅佢，喺選美結束之後就進入到TVB，開始發展其演藝事業。
入行以嚟，佢參演過唔少嘅劇集，比如《幕後玩家》、《超時空男臣》、《溏心風暴3》等。
最熟悉莫過於就係佢喺《愛回家之開心速遞》中飾演嘅「細龍太」，而家比賽結束，唔知道陳偉琪幾時會回歸《愛回家》劇組呢？
Like MisshkNews Facebook！不出门也能知天下事～
