前「TVB花旦」有錢有樓揸手，唔驚老公離婚

前TVB花旦洪欣老公張丹峰，較早前被爆出疑似出軌其經理人畢瀅，畢瀅畀影到深夜自由出入張丹峰入住嘅酒店間房，密會數小時先行出房，更有指畢瀅轉移洪欣資產，成為張丹峰公司唯一持股人。

當大家以為婚姻破裂嘅洪欣，人財兩失成為輸家，事情卻峰回路轉。

原來兩公婆呢排已經和好如初，畢瀅更被辭退。面對進擊小三，洪欣一早有備而戰，財力豐厚嘅佢，手持過億物業，全部以個人名義持有。

為趕絕不忠老公，更加全面經濟封鎖，張丹峰又唔傻，今時今日嘅生活同地位全靠老婆，就連喺哈爾濱嘅父母都係靠洪欣養，張丹峰唔想自己打回原形， 送150萬靚車冧返洪欣。

洪欣雖然曾經因為代父還債，畀疊馬仔追數要同個仔張鎬濂避走上海生活，不過轉攻大陸市場多年，洪欣已經搵到盤滿缽滿，現時手上持有四個過億物業。

手握財政大權嘅洪欣，從來唔會將資產過老公手，有錢有底氣，五月同老公去順德哈爾濱出席友人婚宴，一家三口飛美國，高調恩愛放閃向敗走小三畢瀅示威。