日前，「TVB老戲骨」吳岱融就同晨曦明星隊一齊到沙巴進行足球友誼賽，而呢次旅行更加有意義。因為吳岱融喺比賽之後就與太太鐘淑慧，探望喺沙巴失散40幾年嘅親戚，順便留喺當地度假放松一下。
原本好開心，但喺本月21號嘅時候，吳岱融喺潛水時發生意外，甚至仲一度頭痛同呼吸困難，情況好嚴重，好友林韋辰見狀馬上送佢入院治療，好彩經過一輪救治之後，吳岱融嘅病情穩定。
事後，吳岱融接受訪問時就表示：”本來諗住去浮潛，點知道有深潛，以前都潛過幾次，今次落水冇問題，直至落到深嘅地方，先發覺減壓有問題，已經發覺唔掂，即刻同教練Jack講，我唔舒服，做咗手勢上水面，緊張打開咗一個浮水水泡，佢一入氣就會升。”
不過由于吳岱融喺潛水前有感冒，身體已經唔舒服，再加埋可能減壓過程出問題，所以導致發生意外。
至於當時太太有冇在場，佢話：“我去醫院都唔敢通知佢，等穩定咗個頭冇咁痛先通知佢。校長有嚟慰問，而阿叻就冇嚟，大隊走嘅時候都有慰問我。”
經過今次單嘢，吳岱融更奉勸各位：“有傷風感冒、心臟有問題千祈唔好潛水，希望藉住住自己嘅經驗可以提醒大家，因住水上活動，今次嘅經歷係深刻嘅大教訓。”
唔理點樣，希望吳岱融可以早日康復，都希望各位水上活動記得千祈要注意安全，祝福！
Like MisshkNews Facebook！不出门也能知天下事～
