呢排，「宅男女神」李麗珍、廖碧兒、袁富華、陳國邦等人為《娛樂風云》做宣傳，雖然成績暫時仲未知，但現場嘅氣氛卻好熱鬧，令人驚喜嘅係李麗珍喺劇中與新一代嘅演員合作。
李麗珍笑言：“同佢哋合作得好開心，不過娛樂圈好現實，出道耐會畀人笑過氣，好似我喺套劇入面角色噉樣，復出可能有好多粉絲支持，亦都有好多人想睇我點死。”
其實呢部劇主要講述娛樂圈嘅形形色色，李麗珍更直言呢部劇好似娛樂圈真實一面，劇情寫實貼地。佢話：“我唔知道，我覺得現實一半一半，有人希望我努力，亦有人唔鐘意我都唔出奇，唯有自己努力撐落去。”
據悉，呢部處境劇《娛樂風云》暫定劇集為100集，而李麗珍就表示而家暫時接拍咗呢部劇，除咗自己較為輕松之外，亦都有時間可以陪個女。
佢話：“呢排，囡囡放暑假由英國返香港，經常會見到個女男友，佢哋Puppy love，對佢印象幾好。而家小朋友好醒目，乜都識得自己揾資料，不過好難獨立，尤其工作方面，所以有機會都係讀多啲書。”
1966年出世嘅李麗珍，喺讀中學期間就畀星探發掘開始接拍廣告，畢業之後佢就參演黃百鳴《開心鬼》系列電影開始進入娛樂圈，之後更加憑借《最後勝利》獲提名《第七屆香港電影金像獎》最佳女主角。
直到喺1992年李麗珍開始向電視圈發展，拍攝咗幾部電視劇集，比如《破繭邊緣》、《大時代》、《俠女游龍》、《男親女愛》等。
後來喺2013年嘅時候再度返TVB參與拍攝《女人俱樂部》，更與一眾女神李若彤、袁潔瑩、陳慧珊、葉蘊儀、張慧儀、江欣燕合作，再度人氣急升。
唔理點樣，期待李麗珍喺《娛樂風云》中嘅精彩演出，唔知到時佢又會畀我哋帶嚟點精彩噶演出呢？
Like MisshkNews Facebook！不出门也能知天下事～
