日前，前港姐胡杏兒喺社交平臺貼出咗一張相，紀錄佢出道二十年嘅每一個里程碑。當中包括2009年當選香港小姐季軍嘅一刻，以及首次奪得TVB視後。
胡杏兒喺1999年19歲參選香港小姐，并獲得香港小姐季軍同活力風采獎成為雙料香港小姐，同屆冠亞軍分別就係郭羨妮、原子穗。佢當選之後決定休學，簽約TVB，從此走上演員之路。
胡杏兒喺2002年《流金歲月》中飾演弱智女仔「丁善茵」一角，而引起大眾關注以及人氣急升，并憑藉角色勇奪《萬千星輝賀臺慶頒獎典禮》「本年度我最喜愛的飛躍進步女藝員」獎以及提名「本年度我最喜愛的電視角色」。
同年年尾，胡杏兒首次擔任第一女主角，以清爽短發喺劇集《律政新人王》中飾演性格率直嘅「鐘清鈴」（LingLing），劇集收視高達37點。
胡杏兒再接再厲，喺2003年《沖上云霄》中飾演吳鎮宇女朋友蘇怡（Zoe），胡杏兒憑借Zoe呢個角色唔單止獲提名《萬千星輝賀臺慶頒獎典禮》「本年度我最喜愛的電視角色」，更加喺粉絲心中留低深刻印象。
2005年，胡杏兒主演TVB五部劇集，令佢晉升一線花旦之列，連「阿姐」汪明荃都封胡杏兒為「劇霸」，認真好犀利。
胡杏兒同汪明荃喺劇集《我的野蠻奶奶》中上演婆媳大戰，佢憑借「田力」呢個角色大熱姿態喺《Astro華麗臺電視劇大獎》奪得「我的至愛女主角」同「我的至愛角色」兩個獎，成為頒獎典禮成立而嚟最後生嘅「視後」。
佢同男主角黃宗澤也因此戲假情真，發展成為情侶。 
2006年，胡杏兒入行7年雖然已經積累唔少代表作，但未能衛冕視後，佢為突破所以增肥至152磅出演《肥田喜事》「肥田」呢個角，成為大眾話題，卻未能成功沖擊視後。
2011年，算係胡杏兒大豐收嘅一年，佢以《魚躍在花見》嘅「姜羗」，《怒火街頭》嘅「王思苦」角色成功入屋。 
喺《2011年萬千星輝頒獎典禮》中獲得「我最喜愛的電視女角色」一獎，之後再憑《萬鳳之王》「沅宛」一角奪得「最佳女主角」，并喺嗰晚奪得由全市民投票產生嘅「非凡風采女藝員」一獎，風頭一時無兩！ 
「王思苦」呢個角色更因為未能提名最佳女主角，而激起咗民怨，角色喺內地都大受歡迎，獲得多個演藝獎，喺內地封「視後」。 
胡杏兒離開TVB之後，事業重心轉移內地，其中一個代表角色係喺《那些年花開月正圓》中飾演面慈但心狠手辣嘅「胡詠梅」。
胡杏兒喺社交平臺總結20年嘅演藝歷程，佢感恩所有演繹唔同人生同唔同角色嘅機會，佢知道無論係人生中或者工作中，仲有好多可以學習嘅地方，胡杏兒承諾會繼續努力，期待一個更好嘅自己。
Like MisshkNews Facebook！不出门也能知天下事～
