日前，「TVB花旦」岑麗香就去到荃灣出席一場慈善活動，喺今年3月份先生落仔仔嘅佢，不到半年嘅時間，就已經極速修身，實在令旁人羨慕。
岑麗香透露啱啱喺加拿大探親返香港，佢就表示：”返去見公公同太婆，太婆今年90歲，見到BB好開心，我都好開心幫太婆生咗個曾孫。”
對于BB首次坐飛機，岑麗香表示仔仔好乖，佢話：“都驚氣壓問題，有朋友畀貼士話遇到氣壓時就喂奶，讓BB冇咁辛苦，不過佢又瞓又玩，好乖，嗰啲空姐同附近嘅乘客，都唔覺得有BB喺到。”
唔經唔覺，岑麗香已經息影咗4個月嘅時間，先前就已經表示自己唔會做全職媽咪，喺活動上佢透露自己已經準備好全面復出，佢話：“好開心今日可以出嚟，老公畀咗個OK我，可以出嚟做嘢，不過工作量會減少，自己都想多啲時間陪BB。”
而家仔仔先滿百日冇幾耐，岑麗香都表示現時有喂母乳，佢話：「佢兩樣（母乳、奶粉）都食得好好，我未想喂到幾時，睇情況啦，佢肯食我會努力畀佢。
至於跟住會會唔會再追生一個，岑麗香就笑言話：“我唔夠膽諗呢樣嘢，自己係新手媽咪，而家好多嘢都好易驚，佢第一次打乞嗤，我驚佢係咪太凍，唯有睇多啲書，或者問人。”
其實邊個都有第一次，相信岑麗香作為新手媽咪，一定都會盡心盡責，梗係都希望佢可以繼續畀我哋帶嚟多啲更精彩噶演出，期待佢嘅表演！
Like MisshkNews Facebook！不出门也能知天下事～
