為咗發展，TVB視後曾經減薪過檔TVB，長時間靠積蓄補貼

唔少多人都覺得TVB視後李佳芯好好運，喺TVB短短幾年就榮獲視後，就連佢本人都認為自己運氣好，不過一句幸運似乎就抹殺咗，佢喺咁多年背後付出嘅努力同辛酸。

由模特兒、主持到演員呢十幾年內，李佳芯經歷過銀行戶口結餘唔夠一百蚊嘅窮日子。

當年大學畢業，啱啱出嚟做嘢，佢戶口差11蚊先可以攞100蚊出嚟，最後唯有問朋友借11蚊，先湊夠100蚊。

頭幾年喺娛樂圈搏殺的確辛苦，要靚衫又要化妝，但人工又低，李佳芯表示曾經要靠信用卡過日子。

后尾收入增加總算有D積蓄，李佳芯卻毅然決定由有線主持轉型演員，不過交換條件系減人工先可以過檔，因為當時人工連自己都養唔起，所以有段好長時間都系用儲幫補貼。

拍劇初期多數飾演狐狸精角色，直至首次擔正劇集《律政強人》，終於一嘗做好人嘅滋味，不過亦都系佢最無力嘅一次。

李佳芯首次擔正做女主角就畀觀眾批評演技差，角色唔討好，大大打擊咗佢自信心。

李佳芯接受觀眾的批評，之後演繹每個角色嘅時候，李佳芯都要拋開好多嘅自己，又加入好多嘅自己，佢理智、波瀾不驚嘅印象，同佢喺熱播劇集《白色強人》中程洛雯醫生嘅角色性格頗為相近。