前港姐貼錢畀男友畀首期，只為做醫生夫人，網友卻話佢蠢？　

馮盈盈被譽為近年嚟最有潛質嘅港姐冠軍，有粗口港姐之稱，接地氣之余馮盈盈更因為主持《後生仔傾嚇偈》言論大膽畀封「性博士」。

憑住率性敢言成功出位，呢排喺新劇《白色強人》首次飾演醫生入型入格，原來多得十優醫生男友鍾文浩（Martin）私下指點。

馮盈盈自從參選港姐一直對外宣佈有男友，更加系醫生男友，男友高大型男，喺醫院深受女性歡迎。

馮盈盈拍拖三年嚟不停高調放閃宣示主權，為避免有人乘虛而入，更帶男友融入自己圈子。

為咗進一步箍實男朋友，較早前男朋友買樓做業主，馮盈盈更瞞住父母主動貼首期，即使物業冇自己個名，亦都唔不計較，最緊要可以入屋做女主人，已經遷入新居同男朋友過同居生活。

日前出席完新劇宣傳活動，於是一個人坐Uber去商場幫新居添置家品。

據知情者透露：一聽到男朋友話想買樓，馮盈盈已經主動話幫手畀一份首期，本來佢想同男朋友聯名做屋主，但男朋友話想佢留名占首置業份額，所以層樓冇佢個名，最後馮盈盈畀咗首期，始終筆錢數字有啲大，幾乎將佢呢幾年嘅存款貢獻曬畀男友。

事前佢完全唔敢同屋企人講，始終父母思想傳統，雖然瞞父母貼錢畀男友，不過馮盈盈亦系孝順女，為咗照顧患有腎炎嘅細佬，馮盈盈專登喺港大選修食物及營養學系。

喺愛情同事業上積極進取嘅馮盈盈，舊年憑《果欄中的江湖大嫂》小狼女一角，力壓宿敵麥明詩奪飛躍進步女藝員獎。