前港姐麥美恩，經常掙外快接活動擔任司儀工作，期間受訪時佢透露最近為《BenSIR睇樓團》忙住開工拍攝：「我哋都已經去咗泰國同日本睇樓，都會介紹香港上車嘅樓盤！」
問到會唔會心動想入巿？麥美恩就笑指：自己其實都有喺其他地方投資物業，佢話：「因為我喺加拿大同香港都有物業投資，所以再喺亞洲投資嘅話就要審慎啲。（經濟壓力會唔會好大？）會有，所以要揾啱嘅投資顧問。」
不嬲投資有心得嘅麥美恩，問到有冇打算轉大單位？佢馬上表示唔需要，問到大單位係吾係等未來老公送？她尷尬笑笑，然後話：「等未來老公送其他小禮物，花同朱古力，我個人好易滿足。
（你條件咁好，所以好難追你？）唔係啦，有啲男仔都鐘意獨立、對工作有熱誠嘅女性，佢哋都好欣賞我。（對象要有經濟能力？）要有承擔，我都要投資喺佢身上，要揾潛力股，如果一齊住就唔會介意同對方一齊供樓。」
另外，傾到呢屆港姐戰況激烈，外界評論指報名佳麗質素參差不齊，對此麥美恩就發表自己嘅見解。
佢話：「有啲佳麗本身就係KOL同網紅，會加分，我都好期待見到佢哋。不過，等佢哋出埠拍攝完，就見到係唔係真材實料，因為出埠拍攝好辛苦嘅，如果佢哋可以捱完返嚟，都仲咁幾精神嘅話，就真係抵佢哋入呢行。」
據悉，麥美恩出世喺加拿大溫哥華，佢老竇係一位專業人士，佢仲有兩個大十年嘅哥哥，身為屋企細女，屋企人對佢如珠如寶，麥美恩自細就好鐘意睇周星馳電影，都好熱愛香港文化，2011年佢隻身到香港發展。
同年，麥美恩參加香港小姐競選，最後獲得殿軍頭銜同“最具魅力大獎”殊榮。比賽結束之後，麥美恩獲TVB賞識，安排佢參加試鏡，佢表示自己希望喺主持方面發展，之後就順簽約喺TVB旗下成為藝人，正式出道發展。
咁多年嚟，麥美恩一直主力擔任司儀同主持嘅工作，到而家已經為唔少TVB節目主持之余，仲為TVB多個大型活動擔任重要司儀工作，比如香港小姐競選、頒獎典禮、慈善活動等，佢被譽為係鄭裕玲接班人，深得TVB力捧同栽培。希望麥美恩發展越嚟越好！
Like MisshkNews Facebook！不出门也能知天下事～
