日前，TVB小生黎諾懿就到商臺宣傳旅游節目《懿想不到》，而今次佢幾乎全程參與構思，原來佢一開始計劃做一個懷舊類型嘅節目，因為發現唔少傳統美食，因為鋪租同人工而清盤失傳。
而黎諾懿一開始諗住自己去拜師學藝，後來經過商量探討之後，最終公司提議加入嘉賓，令到成個畫面更為豐富，主持同嘉賓之間嘅碰撞，都能夠產生不同嘅火花。
黎諾懿都證實《BB來了2》即將喺10月、搵返原班人馬開拍續集，連BB“允豬”都系用返同一個演員：“呢集系講兩年之後允豬大咗，開始讀書，於是就產生問題。”
問到呢次拍續集，想唔想挑戰視帝嘅寶座，黎諾懿就笑言：「其實我每套都挑戰，但系每次都無人理我。好似《懿想不到》噉樣，我都系挑戰綜藝節目，想得到最佳節目主持。凡事要定下目標去挑戰，至於系咪成功就系另一事。」
1980年出世嘅黎諾懿，加入TVB已經有17年，佢參與拍攝咗唔少嘅精彩劇集。據悉喺跟住落嚟嘅新劇《街坊財爺》、《C9特工》中黎諾懿同樣有份演出，期待佢出色表演，加油！
Like MisshkNews Facebook！不出门也能知天下事～
