前港姐朱千雪結婚喇！尋日（6月28日）朱千雪與一眾姊妹慶祝生日之余，更喺社交平臺公佈，已經同拍拖5年嘅醫生男朋友Justin拉埋天窗。
佢寫道：「我哋初識時我哋啱啱出世。我哋阿媽選擇咗喺同一間醫院分娩，都好蹺噉相隔三日就生咗佢哋嘅第一個仔同第一個女。當細路時我哋都係靠阿媽先會接觸，但而家我哋長大喇，我哋識得建立屬於我哋嘅友誼，係屬於我哋嘅感情，而家都要開始建立屬於我哋嘅生活。」
朱千雪同醫生男友Justin Ng喺2017年畀發現同游新加坡，朱千雪大方承認戀情，曾經講過兩家人係世交，係青梅竹馬好朋友，佢更大贊吳昆倫係好男仔，可以令朱千雪完全放低戒心，兼顧事業同愛情。
據悉，Justin Ng家底豐厚，老竇係老牌茶莊「祺棧茶行」老板，五年前更喺香格里拉集團做執行董事，同千雪BB父母係世交，真係謂門當戶對！
拍拖嘅時候，千雪BB經常會趁住放假飛去澳洲探醫生男友，男方嘅老竇早就認定千雪BB係未來家嫂。
已經兩年冇拍戲嘅朱千雪，近年嚟只亮相TVB綜藝節目，佢喺較早前播出嘅《如果這樣生活》中，去日本東京找尋自己嘅初心，走訪一位30幾歲男子，對方每日駕駛一部裝住幾百本書嘅van仔做賣書店，即使收入唔高，但一直都堅持夢想。
千雪BB借此談了一番自己的擇偶觀。她認為有這樣的一份是自己夢想的工作很不錯，如果對方是她的另一半，作為家後的她也會相當支持。
千雪BB也提到，如果對方收入不高，自己收入也不高，她也一樣會支持丈夫，情願多做一份工去增加收入。 
大概因為咁樣，儘管佢同老公從事唔同嘅行業，但都可以彼此支持同理解。 
佢雖然只係港姐季軍，但卻係同屆港姐中發展得最好，同屆冠軍張名雅，亞軍係黃心穎。
選港姐之後，佢加入到TVB，參演過唔少劇集，其中代表作《EU超時任務》，佢喺劇中飾演Madam Ling淩晨風，令人留低深刻印象，與渠頭（王浩信飾）嘅一段情更加係讓觀眾心酸落淚！
喺當年嘅臺慶頒獎禮中，朱千雪同王浩信都憑《EU超時任務》成為TVB視後、視帝大熱，不過最終只獲得「最受歡迎劇集搭檔獎」，讓唔少觀眾好失望！ 
朱千雪憑借呢個角色攀上咗演藝事業嘅一個高峰。然而佢同其他女藝人唔同嘅地方係，佢冇因為一時嘅成就而迷失自己，喺事業嘅高峰期，佢選擇學習進修，追尋自己從細到大嘅律師夢。 
朱千雪早年畢業于西門菲沙大學商業和傳理係，后來喺香港中文大學攻讀企業傳播社會科學係碩士，畢業之後再修讀香港城市大學法律博士學位！ 
佢為讀書犧牲唔少私人時間，有時一日要用10至12個鐘溫書，跨學科深造，并冇想象中嘅咁易。 
較早時有傳即將畢業嘅朱千雪，已經獲金鐘一間Top 5著名律師行招攬預留職位，而佢本人都有意淡出幕前轉職法律界，正式轉做「Law界女神」，相信粉絲們都會唔捨得。
但努力追求夢想嘅女仔，先至散發光芒。
喺學有所成之時，佢又選擇結婚，踏上一段全新嘅旅途，佢選擇永遠出乎意料，佢敢于做好多女仔都唔敢做嘅事，大概就是朱千雪嘅魅力所在。
祝福千雪BB，佢嘅勇氣同魄力讓佢值得擁有別樣精彩嘅人生。 
Like MisshkNews Facebook！不出门也能知天下事～
