黃心穎喺今年4月被曝偷食人夫許志安，令兩個人形象一落千丈，許志安即刻召開咗記者發布會，鞠躬道歉并暫停所有工作，復工無期。
雖然黃心穎并冇對呢件事，親自面對媒體畀出說法，但系近年嚟受到TVB力捧嘅佢，都難逃畀雪藏嘅命運。
佢之前拍好嘅四部TVB劇集，包括《堅離地愛堅離地》、《丫鬟大聯盟》、《牛下女高音》同《法證先鋒4》都無辜受到牽連，《堅離地愛堅離地》已經畀抽起播出無期。
TVB重頭劇集《法證先鋒4》決定啟用湯洛雯頂替黃心穎重拍，另有傳TVB小花江嘉敏會頂替黃心穎重拍《牛下女高音》。
最近《法證先鋒4》已經再拜神開工，前幾日，湯洛雯更加系著上低胸婚紗，重新拍攝咗之前有關結婚嘅戲份，之後演員們將前往臺灣補拍當地嘅戲份，據悉拍攝工作已經接近尾聲，但之前一直傳都要重新拍攝嘅《牛下女高音》就一直冇消息。
據悉，TVB喺上周五開會之後，已經決定唔再重拍《牛下女高音》，黃心穎有望留低，有網友表示希望喺「安心偷食」單嘢，隨著時間推移畀大家淡忘後，呢部劇可以安排原裝版本播出。
有份主演《牛下女高音》嘅鐘景輝，今日接受傳媒采訪時就表示，的確收到唔再重新拍攝嘅消息。
當記者問到，系唔系TVB擔心老人家會好辛苦，佢就話：「唔系，系好難召集演員，演員嘅檔期，以及一啲拍攝場景都冇咗，比如大埔嗰個天鵝湖，大風之後冇咗，至於系咪覺得原裝版本播出更加好呢？King SIR講：”公司決定，我冇所謂。“
據了解，《法證先鋒4》即使損失過千萬都一定要重拍，事關呢部劇系TVB同內地嘅合拍劇，如果有黃心穎參演，根本冇可能得到審批，會帶嚟更大嘅損失。反之《牛下女高音》系TVB本土劇集，即使最終變咗倉底劇，都可以安排喺其他渠道播出。
而呢次劇集嘅主線系擺喺一班綠葉演員身上，如鐘景輝、吳岱融、羅冠蘭、蔣志光、鄭敬基、曾偉權、歐瑞偉等人，個個年過半百，如果要喺7、8月開工重拍，喺酷熱天氣下，確實相當辛苦，喺重重考慮下，最終決定擱置重拍。
而有份參演嘅吳岱融曾經表示，當時知道《牛下女高音》播出無期，一度唔開心，因為故仔系圍繞一班中年人追夢嘅勵志劇，所以佢哋付出咗唔少心機，好想劇集能夠重見天日。
唔理點樣，都係希望《牛下女高音》可以早D出街，唔好讓《安心事件》連累成部劇無得出街，浪費其他人的努力。
Like MisshkNews Facebook！不出门也能知天下事～
