呢排，一眾藝人就畀邀請出席慈善活動，大家紛紛落力去賣福袋，包括張名雅、張文慈、李日朗、林秀怡、陳靜堯等人，而張名雅當日以一身藍色碎花裙亮相，依舊僆妹味十足嘅佢，真係睇唔出已經係兩仔仔嘅妈咪。
張名雅喺活動上佢更自曝自己又多咗一個仔，唔通咁快又懷第三胎？
佢馬上解釋道：「系助養小朋友，經常都會收到佢嘅消息，都有同大仔講，教識佢要分享，雖然佢得兩歲，但都開始明白，想佢自細接觸，下次再有福袋義賣都想同佢一齊參加。（唔介意畀個仔出鏡？）冇所謂，想佢多啲嘗試，都有啲親子廣告洽談中，其實仔仔之前喺TVB劇集、綜藝節目都有出鏡。」
而張名雅今次都同大家預告好消息，較早時啱啱同TVB續約，跟住準備繼續開新劇，可以繼續同大家見面，期待。
佢話：「9、10月可能會開劇。（唔怕一入劇組會少咗同個仔仔相處時間？）都會掛住，但做嘢行先，小朋友方面好幸運有工人姐姐、媽咪、奶奶幫手帶，所以都好放心工作。（細仔斷咗人奶？）斷咗啦，佢冇哥哥食咁耐，而家都配合奶粉，始終都系第二個小朋友，會冇咁緊張。」
1987年出世嘅張名雅，喺加拿大英屬哥倫比亞大學畢業，主修經濟商學嘅佢，喺2009年嘅時候參加咗溫哥華華裔小姐，奪得咗亞軍好成績。
直到喺2012年嘅時候，佢就參加香港小姐選舉奪得咗冠軍寶座嘅佢，次年再戰國際中華小姐，同樣都獲得咗季軍好成績。
備受賞識嘅佢，喺選美結束之後就進入到TVB，開始發展其演藝事業，參演電視劇集，比如《再戰明天》、《以和為貴》、《潮拜武當》、《鬼同你OT》、《一屋老友記》、《城寨英雄》、《與諜同謀》、《BB來了》、《是咁的，法官閣下》等。
唔理點樣，期待佢跟住畀我哋帶嚟嘅新作品，加油加油！
Like MisshkNews Facebook！不出门也能知天下事～
